پاکستان کے چاول پیدا کرنے والے علاقوں میں خصوصاً اور باقی علاقوں میں عموماًزنک کی بہت حد تک کمی ہو گئی ہے ۔ زنک کی کمی کے اثرات نہ صرف چاول بلکہ کئی دوسری فصلوں پر نمایاں ہو رہے ہیں اور فی ایکڑ پیداوار میں نمایاں کمی واقع ہو گئی ہے ۔ زنک  کی کمی کی وجہ سے پتوں کا رنگ زرد ہونا شروع ہو جاتا ہے ۔ فصل کے نچلے پتوں پر سرخی مائل بھورے رنگ کے دھبے نظر آنے لگتے ہیں، پودوں کی ہریالی ختم ہو جاتی ہے اور پودے مرجھانے لگتے ہیں نیز پھولوں اور سبزیوں کی نشو ونما بھی بہت متاثر ہوتی ہے ۔